Friday , 1 December 2023

25 points qui faire musulman bizin prend compte Palestine, Jérusalem et Bilaad Ash Sham (Syrie)

1. Beaucoup Prophètes fine vivre / fine faire ene sejours la bas
2. Prophète Ibrahim (a.s) fine faire Hijra à Palestine
3. Lut (a.s) fine prend refuge là-bas et fine épargné de punition qui fine envoyer à so peuple
4. Dawood (a.s) fine vivre la bas
5. Sulaiman (a.s) et z’histoire de la fourmi fine arriver là-bas
6. Mehraab Zakaria (a.s) ti dans masjid al Aqsa et Maryam (a.s) so Mehraab ti à coté Masjid Al Aqsa
7. Musa (a.s) fine demande so peuple pour rentre dans la terre sacrée
8. Naissance Isa (a.s)
9. La terre de Mahsar (Résurrection)
10. Ya’jooj et Mahjooj pou la guerre pour conquerir la terre Palestine dans la fin de temps
11. Z’histoire bataille Taloot et Jaloot fine arrivé la bas couma mentioné dans Quran
12. Qibla ban musulman au commencement ti là-bas avant Kaaba. Quand le Prophète Muhammad (s.a.w) fine faire hijra à Madina qui Qibla fine changé.
13. Le Prophète Muhammad (s.a.w) fine faire escale dans masjid Aqsa à Palestine avant faire Miraj, Prophète Muhammad (s.a.w) fine debout comme Imaam labas et tous ban Prophètes fine debout derrière li.
14. C’était Deuxième Masjid qui fine construire lor la terre après Masjid al Haraam, et éna éne interval de 40 ans entre constructions sa deux masjids la.
15. Abu Bakr (r.a) fine envoie l’arme qui le Prophète Muhammad (s.a.w) fine préparé pour alle la guerre dans la Syrie, même qui li ti bien bizin ban l’armée là pour la guerre contre ban Murtaddeen [ban qui renonce l’Islam après la mort Prophète Muhammad (s.a.w)] 16. Umar (r.a) fine alle en personne pour célébrer conquête de Palestine (sans la guerre) et li fine prend la clé Masjid al Aqsa li même en personne, même qui ti ena beaucoup conquête mais li (Umar) pas fine déplace excepté vers Palestine.
17. Salahudeen al Ayyoubi fine reconquérir la Palestine le 27 Rajab, l’an 583 H, même jour et date qui le Prophète Muhammad (s.a.w) fine faire Mi’raj.
18. Le Prophète (s.a.w) dire : « Ene Musulman pas gagne droit voyager (pour ene cause spirituelle), excepté vers 3 Masjid ; Masjid Haram (Makkah), mo masjid (Masjid Nabawi) et Masjid Al Aqsa » (Bukhari, Muslim)
19. 5000 Sahaba fine mort shaheed la bas dans essaye libère Masjid al Aqsa de dominière ban Romains.
20. Allah fine faire serment lor noms la syrie et Palestine (raporté par Ibn Abbaas)
21. Allah fine dire qui Palestine c’est ene la terre qui banne Musulmans pour hériter (S21/V105) Allah fine dire : En effet Nous fine écrire dans Zabour, après qui Nous fine déjà mentionne li, qui c’est Mo bane bons serviteurs qui pou hérite la terre.
22. Ene Namaz dans Masjid Al Aqsa égale à 500 namaz
23. Masjid Al Aqsa li parmi éne de ban place qui recommender pour alle visiter
24. Allah fine beni sa l’endroit là. Sura Isra ayat 1 : « Gloire et pureté à Celui qui de nuit, fit voyager Son serviteur Muhammad de la mosque al Haram à la mosque al Aqsa dont Nous avons bénit l’alentour. »
25. Allah fine relier Masjid Al Haraam et Masjid Al Aqsa quand Allah fine faire le Prophète Muhammad (s) faire Isra et Mi’raaj.

Par le Centre de Documentation sur l’Islam

Commentaires

A propos de star

Ceci peut vous intéresser

Sois aimable

Mou’âz Ibn Djabal (ra) rapporte : « l’Envoyé d’Allâh (saw) m’a fait une dernière recommandation …